 |
| كيف تستطيع تحقيق اكبر عائد من ارباح جوجل ادسنس |
نظرا لكثرة المهتمين بخدمة جوجل ادسنس والتى تقدمها جوجل للربح من خلال الاعلانات نشرح لكم كيفية تحقيق اكبر عائد ممكن من ارباح ادسنس بعد التحديثات الأخيرة لجوجل بقى صعب لشخص مبتدئ إنه يطلع في النتائج الأولى لموقع جديد بسهولة، وخصوصاً لما يكون معهوش ميزانية كبيرة وخبرة كويسة
احتمال انه يبذل مجهود كبير 3 أو 4 شهور وفي الآخر النتيجة = 0 !
علشان كدة بنصح المبتدئين إنهم يبدأوا باستراتيجية الأربيتراج
والأربيتراج هو استراتيجية من استراتيجيات العمل مع ادسنس
الفكرة انك بتدفع فلوس على الزائر (من خلال الإعلانات) وبعدين الزائر يدخل موقعك يدوس على اعلان ادسنس بعائد اكبر من اللي انت دفعته عليه في الإعلان وبالتالي تكسب من الفرق .. ببساطة !
وفي البداية ممكن تبدأ بالفيس بوك كمصدر اعلاني ممتاز
أظن فيه ناس كتيرة قرأ عن الأسلوب ده لكن لسه فيه ناس بتقابلهم مشكلة إنهم يعرفوا Road map يبدأوا فيها .. هل يبدأوا بالمحتوى الأول ولا الإعلانات الأول ولا انهم يحصلوا على حساب ادسنس في الأول؟ طب ازاي يتقبل حسابهم في أدسنس؟ .. وازاي يحصلوا على نقرات عالية من ادسنس وتكلفة بسيطة من الإعلانات (في شغل الأربيتراج بالأخص) .. والكلام ده
فعلشان كدة في وجهة نظري شايف الحل الصحيح انك تعمل خطة لعملك وتحاول تتعلم وتطور من نفسك
تعرف انت هتمشي على 1 ، 2 ، 3
ولو اتكلمنا باختصار فانت محتاج تمشي كالتالي
1- تختار السوق الصح اللي يكون المعلنين بيدفعوا فيه كويس وحجم السوق كبير تقدر تتوسع فيه وده أظنها سهلة
2- انك تشتري الاستضافة المناسبة ليك بالسعر المناسب (لو إمكانياتك كويسة وناوي تدفع كويس في الإعلانات فاشتري استضافة محترمة وبلاش تسترخص، أما لو انت لسة مبتدئ ومش ناوي تصرف كتير في الأول فهات حاجة رخيصة بعدين لما تتوسع ممكن تبقى تنقل موقعك لشركة تانية أو تعمل Upgrade للخطة بتاعتك)
3- بعد كدة تتعلم إدارة الوردبريس كصاحب موقع وده سهلة وناس كتيرة بتشرحها على اليوتيوب
4- تكتب محتوى Viral وده طبعاً من أهم أجزاء الطبخة .. لكن لو أنت شخص مبتدئ فشوف المحتوى اللي انتشر انتشار فيروسي انتشر ازاي وانت اعمل زيه أو أحسن منه وشكراً، وبعد كدة انت هتعرف ازاي تعمل انت المحتوى من الأول
5- انك تجيب ترافيك وده المشكلة اللي بتقابل كل الناس .. أن الترافيك عليهم غالي!
طب تخيل انت لو أنت بتدفع 10$ على كل كليك وبتكسب من كل زائر 50$ هل هيفرق معاك ان الترافيك غالي؟
(طبعاً ده رقم مبالغ فيه في الأربيتراج المتوسط من 10 - 25 سنت، ولكن ده مثال توضيحي فقط)
المقصود انك بالرغم من إنك محتاج لتهيئة الحملة للحصول على أحسن نتائج إلا إنك المفروض تهتم بزيادة الأرباح أكتر من تخفيض تكلفة الإعلانات
وبالنسبة لقبول حسابات ادسنس اللي بتواجه ناس كتير: أنت لو عندك موقع كويس وتصميمه كويس وفيه محتوى كويس وبيجيله زوار مستهدفين (مش سبام) .. إيه اللي هيخلي ادسنس يرفض موقعك؟ لو ادسنس مش هتقبل المواقع اللي فيها محتوى كويس وبيجيلها زوار مستهدفين وفيه فرص للمعلنين إنهم يظهروا إعلاناتهم ، تفتكر ايه المواقع اللي هتقبلها؟
وباختصار كدة عندك موقع احترافي ومحتوى ممتاز وبيجيلك زيارات وعندك حساب على ادسنس .. إيه اللي محتاجه بعد كدة؟
تعمل Scale وده قصته كبيرة طبعا، ولكن اختصارها في إنك تحاول تعمل تحليل أكتر لموقعك اللي من خلاله علشان تزود عدد الأشخاص اللي بيدوسوا على الإعلان (بدون سبام طبعاً) وبرضة تحلل المحتوى اللي ممكن تكسبه منه أكتر + إنك تعمل تخصيص أكتر لحملاتك الإعلانية وتبدأ تتوسع لحملات جديدة أو مصادر ترافيك جديدة (زي الـNative ads مثلاً) أو حتى انك تكسب من مصادر تانية غير ادسنس
+ برضة إنك تفكر في المدى الطويل على مصدر ترافيك دائم زي الـSEO أو الإيميل ماركتينج
وطبعاً انا مش هقدر اشرح كل حاجة في البوست لكن فيه كتاب اسمه Adsense arbitrage Hack كتاب عربي ممتاز (ومحدث في 2018) وبيشرح الخطوات ده بشكل متعمق اكتر وبلقطات شاشة والكلام ده، وأنا شايفه مفيد لشخص مبتدئ وعاوز يبدأ .. فهل لو نشرت الكتاب هنا (برابط مباشر للتحميل) هيكون مخالف لسياسات الجروب؟
ده رابط تحميل الكتاب